رئیس جمهور تاجیکستان وارد اسلامآباد شد
رئیس جمهور تاجیکستان در سفر ۲ روزهای برای دیدار با نخست وزیر پاکستان و امضای تعدادی توافقنامه دوجانبه اقتصادی، تجاری و سرمایهگذاری وارد اسلامآباد شد.
به گزارش دفتر منطقهای خبرگزاری تسنیم، «امام رحمان» رئیس جمهور تاجیکستان امروز وارد فرودگاه اسلامآباد شد و مورد استقبال «نواز شریف» نخست وزیر پاکستان قرار گرفت.
«خواجه محمد آصف» وزیر آب و برق، «سرتاج عزیز» مشاور امور بینالملل نخست وزیر پاکستان، «طارق فاطمی» مشاور ویژه نخست وزیر این کشور و دیگر مقامات ارشد نیز حضور داشتند.
رئیس جمهور تاجیکستان توسط «ممنون حسین» رئیس جمهور پاکستان به اسلامآباد دعوت شده است.
قرار است این دو کشور تعدادی توافقنامه دوجانبه در زمینههای همکاری اقتصادی، تجاری، سرمایهگذاری و تبادل فرهنگی امضاء کنند.
رئیس جمهور تاجیکستان را هیئتی از مقامات بلند رتبه و تاجران این کشور همراهی میکند.
همچنین مقامات دو کشور بحث و گفتوگویی در مورد پروژه انتقال برق «کاسا-1000 (CASA-1000) » انجام دهند. این پروژه همکاری انرژی منطقهای میان کشورهای تاجیکستان، پاکستان، افغانستان و قرقیزستان است.
انتهای پیام/.