آخر حوار بين وزير الدفاع والرئيس المعزول .. «السيسي» : حاول تمشي بكرامتك و«مرسي» : أمريكا مش حتسيبكم

و قالت الصحيفة ان مراسلها توجه إلى تلك الجهة السيادية يوم الثلاثاء 2 يوليو الحالى ، و كانت جميع المكاتب تعمل كخلية نحل لا يتوقف نشاطها لحظة، و حاول التواصل مع عدد من المسؤولين ، للتعرف على ما سيحدث خلال الساعات القادمة ، لكن أحداً منهم لم يكن بوسعه التصريح بأى معلومات ، ومع إصراره على الحصول على ما يدور داخل الغرف المغلقة ، رد علىّ أحد الضباط الموجودين بالمكتب قائلاً : "متقلقش.. مصر كلها هتفرح بكرة ، و لو عاوز تضمن تعال حسمّعك حاجة ، لكن أرجو عدم الإفصاح عنها لخطورة الأمر فى هذا التوقيت . و اصطحبنى الضابط لغرفة مجاورة ، بها العديد من أجهزة الصوت وشاشات العرض، وفوجئت أنه يعرض على إحدى الشاشات لقاء بين «السيسى» و«مرسى» ، و هو لقاء جرى بينهما قبل أن يلقى مرسى خطابه الأخير بساعات قليلة" . و بعد صدور بيان الجيش الذى ألقاه «السيسى» الأربعاء الماضى ، استأذنت لنشر أهم ما جاء بحوار «السيسى» و«مرسى»، وبصعوبة بالغة حصلت على الموافقة ، و كان كالتالي :
مرسي : الجيش موقفه إيه من اللى بيحصل ، هيفضل كدا يتفرج ، مش المفروض يحمى الشرعية ؟
السيسي : شرعية إيه ؟ الجيش كله مع إرادة الشعب ، وأغلبية الشعب حسب تقارير موثقة مش عايزينك
مرسي : أنا أنصاري كتير و مش حيسكتوا
السيسي : الجيش مش حيسمح لأي حد يخرّب البلد مهما حدث
مرسي : طيب لو أنا مش عايز أمشي ؟ .. مفتكرش إن الإخوان حيسكتوا.. حيولعوا الدنيا .. وأنا اللى عينتك وممكن أشيلك !؟
السيسي : الموضوع منتهي ومعدش بمزاجك ، وبعدين حاول تمشى بكرامتك، وتطالب من تقول إنهم أنصارك بالرجوع لمنازلهم، حقناً للدماء بدلاً من أن تهدد الشعب بهم
مرسي : بس كدا يبقى انقلاب عسكرى وأمريكا مش حتسيبكم !!
السيسي : إحنا يهمنا الشعب مش أمريكا ، و طالما أنت بتتكلم كدا أنا هكلمك على المكشوف.. إحنا معانا أدلة تدينك وتدين العديد من قيادات الحكومة بالعمل على الإضرار بالأمن القومى المصرى و القضاء حيقول كلمته فيها ، و حتتحاكموا قدام الشعب كله
مرسي : طيب ممكن تسمحو لي أعمل شوية اتصالات و بعد كدا أقرر حعمل إيه ؟
السيسي : مش مسموح لك ، بس ممكن نخليك تطمئن على أهلك فقط
مرسي : هو أنا محبوس ولا إيه ؟
السيسي : أنت تحت الإقامة الجبرية من دلوقتي
مرسى : مفتكرش إن الإخوان حيسكتوا لو أنا سِبت الحكم.. هيولّعوا الدنيا  السيسي : خليهم بس يعملوا حاجة و حتشوف رد فعل الجيش .. اللى عايز يعيش فيهم باحترام أهلاً وسهلاً.. غير كدا مش حنسيبهم.. وإحنا مش حنُقصى حد ، و الإخوان من الشعب المصرى ومتحاولش تخليهم وقود فى حربك القذرة .. لو بتحبهم بجد تنحى عن الحكم وخليهم يروّحوا بيوتهم
مرسى : عموما أنا مش حمشي و الناس برة مصر كلها معايا وأنصارى مش حيمشوا
السيسي : عموماً أنا نصحتك .
مرسي : طيب خد بالك أنا اللي عينتك وزير و ممكن أشيلك
السيسي : أنا مسكت وزير دفاع برغبة الجيش كله و مش بمزاجك وأنت عارف كدا كويس .. و بعدين أنت متقدرش تشيلني أنت خلاص لم يعد لك أى شرعية    وزير الدفاع لـ«مرسى»: أنت خلاص لم يعد لك أى شرعية .. وغير مسموح لك إلا بالاطمئنان على أهلك .. أنت من دلوقتى محبوس
مرسي : طيب لو وافقت أن أتنحى .. ممكن تسيبوني أسافر برة و توعدني أنكم مش حتسجوننى ؟؟؟
السيسي : مقدرش أوعدك بأى حاجة ، العدالة هى اللى هتقول كلمتها 
مرسى : طيب طالما كدا بقى أنا حعملها حرب ونشوف مين اللى حينتصر فى الآخر
السيسي : الشعب طبعاً اللي حينتصر
و انتهى الحوار عند هذه الجملة بقول السيسي : «أنت من دلوقتى محبوس». و بعد هذا الحوار بساعات قليلة طلب السيسى من قوات الجيش و الحرس الجمهورى أن يجرى نقل «مرسى» من دار الحرس الجمهورى إلى إحدى إدارات الجيش شديدة التأمين ، وطلب عدم التعرض له بأي أذى ، لحين تقديمه لمحاكمة عادلة لاتهامه بارتكاب عدد من الجرائم .