به گزارش دفتر منطقهای خبرگزاری تسنیم، مراسم گشایش پروژه انتقال برق «کاسا-1000» با حضور مقامات عالی چهار کشور عضو در دوشنبه پایتخت تاجیکستان برگزار شد.
در این مراسم «نواز شریف» نخستوزیر پاکستان، «عبدالله عبدالله» رئیس اجرایی دولت افغانستان، «سورون بایی جین بکوف» نخستوزیر قرقیزستان و «امام علی رحمان» رئیس جمهور تاجیکستان در دوشنبه حضور داشتند.
کاسا-1000 نخستین پروژهای است که برق را بین چهار کشور عضو انتقال میدهد.
بر اساس این پروژه، تاجیکستان و قرقیزستان 1300 مگاوات برق را به پاکستان و افغانستان فراهم خواهند کرد.
رادیو پاکستان با ابراز امیدواری در این خصوص نوشت: اسلامآباد امیدوار است که که این پروژه تا سال 2018 میلادی تکمیل شود.
نخستوزیر پاکستان پیش از این، در دیدار با رئیس جمهور تاجیکستان در مورد گسترش روابط در بخشهای تجاری و انرژی بحث و گفتوگو کرده بود.
نخست وزیر پاکستان و رئیس جمهور تاجیکستان چندی پیش نیز در دیداری در حاشیه کنفرانس «آب برای زندگی» در دوشنبه توافق کردند که پروژه 1300 مگاواتی انتقال برق قرقیزستان و تاجیکستان به افغانستان و پاکستان قبل از زمان تعیین شده تکمیل شود.
پاکستان پس از تکمیل پروژه کاسا 1000، قادر به واردات یک هزار مگاوات برق از تاجیکستان خواهد شد که نیازمندیهای انرژی اسلامآباد را کاهش خواهد داد.
انتهای پیام/.