افغانستان و تاجیکستان برای همکاری مشترک اطلاعاتی توافق کردند

شناسه خبر: 1330944 سرویس: بین الملل
سراج الدین اصل اف و ربانی

افغانستان و تاجیکستان توافق کردند تا برای مبارزه با تروریسم و قاچاق مواد مخدر همچنین بهبود امنیت مرزهای دو کشور، همکاری اطلاعاتی مشترک داشته باشند.

به گزارش دفتر منطقه‌ای خبرگزاری تسنیم، «صلاح الدین ربانی» وزیر امور خارجه افغانستان در سفر به «دوشنبه» با «سراج الدین اصل اوف» وزیر امور خارجه تاجیکستان دیدار و گفت‌وگو کرد.

مقامات افغان و تاجیک در این دیدار درباره گسترش روابط و همکاری‌های دو جانبه تبادل نظر کردند.

وزرای امور خارجه افغانستان و تاجیکستان فعالیت گروه‌های تروریستی در منطقه را تهدید مشترک برای دو کشور دانستند و بر مبارزه مشترک و مؤثر با این پدیده تاکید کردند.

صلاح الدین ربانی در این سفر با اصل اوف توافق کرد که افغانستان و تاجیکستان برای تامین امنیت مرزهای دو کشور و مبارزه مشترک با تروریسم، همکاری مشترک اطلاعاتی را گسترش دهند.

این توافق در حالی انجام شده است که حدود سه هفته قبل، فرماندار شهرستان «دشت ارچی» ولایت قندوز در شمال افغانستان اعلام کرد که والی خودخوانده طالبان برای مداوا به تاجیکستان انتقال یافته است.

مقامات سابق دولت افغانستان نیز چندی قبل مدعی شده بودند که خودروهای زرهی که پس از سقوط ولایت قندوز به دست  طالبان افغان افتاده بود، برای ترمیم توسط مهندسان روسی به تاجیکستان منتقل می‌شوند.

«عمرساپی» والی سابق قندوز گفته بود که روند ترمیم خودروهای زرهی و تجهیزات طالبان افغان توسط مهندسان روسی و روابط بین طالبان افغان و مقامات روسی از دو سال به اینطرف ادامه دارد.

اما «محمد جان اولوغ خوجایف» سخنگوی گارد مرزی تاجیکستان، نیز در واکنش به این اظهارات، ادعاهای مقامات افغان را "بی‌اساس" خوانده بود.

انتهای پیام/.

    موضوعات مرتبط
    برای دریافت مهمترین اخبار عضو کانال تسنیم در تلگرام شوید.
    حسن روحانی
    سیدابراهیم رئیسی
    محمدباقر قالیباف
    اسحاق جهانگیری
    سیدمصطفی هاشمی طبا
    سیدمصطفی میرسلیم
    مهمترین عناوین
    مهمترین عناوین بین الملل
    خبر فوری
    سازمان آگهی‌ها
    سام سرویس
    الی گشت