به گزارش دفتر منطقهای خبرگزاری تسنیم، برخی رسانهها به نقل از منابعی اعلام کردند وزارت خارجه حکومت موقت افغانستان طی نامهای «فیض الله» را به عنوان دبیر اول سفارت این کشور در تاجیکستان تعیین کرده است.
بر اساس این نامه که در اختیار برخی رسانهها قرار گرفته است، حکومت کابل متعهد شده است تا شش ماه معوقه کارمندان سفارت افغانستان در تاجیکستان را نیز پرداخت کند.
گفته میشود تاجیکستان رابطه نزدیکی با برخی مخالفان طالبان دارد. سفیر حکومت پیشین افغانستان در «دوشنبه» بارها علیه مقامات کنونی کابل موضع گرفته است.
با این حال، حکومت کنونی افغانستان از سوی تاجیکستان به رسمیت شناخته نشده است اما قصد دارد با اعزام ید دیپلمات به حضور در این کشور رسمیت دهد.
وزارت خارجه طالبان در این نامه از سفارت افغانستان خواسته است تا موضوع اعزام دیپلمات جدید را به دولت تاجیکستان اطلاع دهد.
هنوز مشخص نیست که در صورت همکاری سفارت افغانستان در دوشنبه، دولت تاجیکستان دیپلمات طالبان را بپذیرد.
انتهای پیام/.