بغداد؛ دہشت گردانہ دھماکوں میں 10 شہید اور 28زخمی ہوگئے

خبر کا کوڈ: 1182768 خدمت: دنیا
انفجار بغداد

بغداد میں دو کاربم دھماکے ہوئے جس کے نتیجے میں کم سے کم 10 شہید اور 28 زخمی ہوگئے ہیں۔

تسنیم خبررساں ادارے نے فرانسیسی خبررساں ادارے کے حوالے سے نقل کیا ہے کہ عراقی پولیس اور طبی ذرائع نے بتایا ہے کہ بغداد کے بیچوں بیچ ایک شاپنگ مال کے سامنے ہونے والے دھماکوں کے نتیجے میں 10 شہید اور 28 زخمی ہوچکے ہیں۔

ایک عراقی پولیس افسر نے بتایا کہ پہلے شاپنگ سینٹر کے قریب کھڑی ایک کار میں بم دھماکہ ہوا جس کے فورا بعد ایک خود کش حملہ آور نے بارود سے بھری گاڑی کو «النخیل» مارکیٹ کے قریب دھماک سے اڑا دیا جس کے نتیجے میں کافی نقصان ہوا اور کم سے کم 10 شہید اور 28 افراد زخمی ہوگئے۔

عراقی وزارت خارجہ کے ترجمان سعد معن کا کہنا ہے کہ مارکیٹ کے اندر کوئی جانی نقصان نہیں ہوا ہے۔

یاد رہے النخل مارکیٹ کا گزشتہ سال افتتاح ہوا تھا اور حالیہ دنوں میں عید قربان کے حوالے سے لوگوں کا بڑا رش ہے۔

تا حال کسی گروہ نے دھماکوں کی ذمہ داری قبول نہیں کی ہے۔

    تازہ ترین خبریں
    خبرنگار افتخاری