بوشہر میں ایٹمی بجلی گھر کے 2 یونٹس کی تعمیر کا سنگ بنیاد

تسنیم خبر رساں ادارے کی رپورٹ کے مطابق، اسلامی جمہوریہ ایران کے نائب صدر ایٹمی انرجی کے سربراہ علی اکبر صالحی کے بوشہر کے دورے کے دوران 2 ایٹمی بجلی گھروں کا سنگ بنیاد رکھ دیاگیا ہے۔

نائب صدر کا کہنا تھا کہ دونوں پاور پلانٹ مقررہ وقت یعنی پہلا حصہ 108 اور دوسرا حصہ 126 مہینوں میں مکمل کیا جائے گا۔

علی اکبر صالحی کا کہنا تھا کہ ایٹمی بجلی گھروں کو بنانے کا مقصد ملکی معیشت کی ترقی میں مدد دینا ہے۔

ان دو بجلی گھروں کی یونٹس کے ذریعے سالانہ 14 ملین ٹن زہریلی گیس کی اخراج کو روکا جاسکتا ہے۔

انہوں نے مزید کہا: دونوں یونٹس کی تعمیر میں 10 ارب ڈالر خرچ کئے جائیں گے۔