گوادر سے 150 سے 200 کنٹینر برآمد کے لئے تیار

تجرباتی طور پر گوادر سے 150 سے 200 کنٹینرز ایکسپورٹ کیلئے تیار ہو گئے ہیں، برآمدی مال میں چین اور پاکستانی ایکسپورٹرز کا سامان شامل ہے۔

گوادر سے 150 سے 200 کنٹینر برآمد کے لئے تیار

خبررساں ادارے تسنیم نے جیو کے حوالے سے خبر دی ہے کہ کوسکو شپنگ کمپنی کا ان کنٹینروں کو آئندہ ہفتے گوادر بندرگاہ سے خلیج سمیت مختلف ملکوں تک پہنچانے کا امکان ہے۔

اس مال میں چین کے 100 کنٹینرز میں موجود ٹیکسٹائل سمیت مختلف سامان شامل ہیں۔

شپنگ ذرائع کے مطابق، ملکی مال کے ایک سے دو سو کنٹینرز بھی گوادر کے ذریعے ایکسپورٹ کیے جانے کا امکان ہے۔

اس تجرباتی ایکسپورٹ اور گوادر-رتوڈیرو روڈ کے دسمبر میں افتتاح کے بعد، اس بندرگاہ سے تجارت میں اضافے کا امکان ہے۔

درآمدات کے بڑھنے سے نہ صرف دنیا میں پاکستان کی مصنوعات کے استعمال میں اضافہ ہوگا بلکہ قیمتی زر مبادلہ کمانے کا بھی موقع ملے گا۔

مربوط خبریں
سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری