ہری پور میں کوچ اور ہائی روف میں تصادم سے 7 افراد جاں بحق

بالڈھیر کے قریب مسافر کوچ اور ہائی روف کے درمیان تصادم سے ایک ہی خاندان کے 7 افراد جاں بحق ہو گئے۔

ہری پور میں کوچ اور ہائی روف میں تصادم سے 7 افراد جاں بحق

خبر رساں ادارے تسنیم کے مطابق، بالڈھیر کے قریب مسافر کوچ اور ہائی روف کے درمیان تصادم سے ایک ہی خاندان کے 7 افراد جاں بحق ہو گئے۔

ایکسپریس نیوز کے مطابق ہری پور کے علاقے بالڈھیر میں تیز رفتاری کے باعث مسافر کوچ اور ہائی روف میں تصادم ہو گیا، حادثے میں ایک بچے سمیت 5 افراد موقع پر ہی جاں بحق اور 2 زخمی ہو گئے، زخمیوں کو طبی امداد کے لئے فوری طور پر ہری پور ویمن اینڈ چلڈرن اسپتال منتقل کیا گیا جہاں دونوں زخمی بھی دم توڑ گئے۔

پولیس حکام کا کہنا ہے کہ واقعہ ابتدائی طور پر تو تیز رفتاری کا نتیجہ معلوم ہوتا ہے تاہم حادثے کی وجوہات جاننے کے لئے تحقیقات کا آغاز کر دیا ہے۔

اہم ترین پاکستان خبریں
اہم ترین خبریں
خبرنگار افتخاری