ناکام ترک بغاوت: مزید 243 فوجیوں کے وارنٹ گرفتاری جاری

خبر کا کوڈ: 1301513 خدمت: دنیا
ترکی پرچم

ناکام ترک بغاوت کی انکوائری رپورٹ کے بعد فتح اللہ گولن کے حامیوں سے رابطے کے الزام میں مزید 243 فوجیوں کے وارنٹ گرفتاری جاری کردئیے گئے ہیں۔

خبر رساں ادارے تسنیم کے مطابق، ترکی میں ناکام فوجی بغاوت پر حکومت کا رد عمل تھمنے میں ہی نہیں آ رہا۔

تازہ واقعہ میں ناکام بغاوت کی انکوائری رپورٹ کے بعد ترکی میں مزید 243 فوجیوں کے وارنٹ گرفتاری جاری کر دئیے گئے ہیں۔

ذرائع کے مطابق انہوں نے فتح اللہ گولن کے حامیوں سے رابطے کیلئے سمارٹ فونز کا استعمال کیا تھا۔

یاد رہے کہ ترکی میں پچھلے سال 15 جولائی کو حکومت کے خلاف بغاوت کی کوشش کی گئی تھی، جسے ناکام بنا دیا گیا تھا۔

اس ناکام فوجی بغاوت کے بعد، ترک حکومت نے کریک ڈاون کے دوران درجنوں ٹیلی ویژن/ ریڈیو اسٹیشن بند اور ایک لاکھ دس ہزار جج صاحبان، فوجی افسران، اساتذہ اور زندگی کے مختلف شعبوں سے تعلق رکھنے والے افراد کو معطل یا برطرف کر چکی ہے۔

اسی طرح ناکام بغاوت میں ملوث 40 ہزار سے زائد افراد کو گرفتار کیا جاچکا ہے۔

    تازہ ترین خبریں