پاراچنار سانحہ کیخلاف اسلام آباد میں احتجاجی مظاہرہ؛

سانحہ پاراچنار ریاستی اداروں کی کارکردگی پر سوالیہ نشان/ سبزی فروش مزدوروں کی شہادت کے ذمہ دار ریاستی ادارے ہیں/ فلم و تصاویر

خبر کا کوڈ: 1304446 خدمت: اسلامی بیداری
پاراچنار

مجلس وحدت مسلمین کی جانب سے سانحہ پاراچنار کے خلاف اسلام آباد میں پریس کلب کے سامنے احتجاجی مظاہرہ کیا گیا جس سے خطاب کرتے ہوئے مقررین کا کہنا تھا کہ سانحہ پاراچنار ریاستی اداروں کی کارکردگی پر بڑا سوالیہ نشان ہے، سبزی فروش مزدوروں کی شہادت کے ذمہ دار ہمارے ریاستی ادارے ہیں۔

خبررساں ادارے تسنیم کے مطابق، سانحہ پاراچنار کے خلاف اسلام آباد میں پریس کلب کے سامنے  مظاہرین کی بڑی تعداد شریک ہوئی جنہوں نے ہاتھوں میں پلے کارڈز اٹھا رکھے تھے۔

پلے کارڈز پر دہشت گردی کے خلاف نعرے درج تھے، مظاہرین سے خطاب کرتے ہوئے مجلس وحدت مسلمین کے رہنما اعجاز بہشتی کا کہنا تھا کہ سانحہ پاراچنار ریاستی اداروں کی کارکردگی پر بڑا سوالیہ نشان ہے۔

انہوں نے واضح کیا کہ یہ ملک شیعہ اور سنی دونوں نے مل کر بنایا لیکن آج تکفیری طاقتیں اس کو ختم کرنے کے درپے ہیں۔

انہوں نے 2 ٹوک الفاظ میں کہا کہ سبزی فروش مزدوروں کی شہادت کے ذمہ دار ہمارے ریاستی ادارے ہیں۔ انہیں جوابدہ ہونا پڑے گا۔

انہوں نے مزید کہا کہ دہشت گردوں کی سیاسی پشت پناہی کرنے والے سہولت کاروں کے خلاف بھی آپریشن کی اشد ضرورت ہے۔

    تازہ ترین خبریں
    خبرنگار افتخاری