سعودی عرب اور یونان سے ڈی پورٹ ہونے والے 216 افراد کی پاکستان آمد

خبر کا کوڈ: 1310547 خدمت: پاکستان
پاکستانی ڈی پورٹ

سعودی عرب اور یونان سے بے دخل کئے گئے 216 پاکستانی شہری واپس وطن پہنچ گئے ہیں۔

خبررساں ادارے تسنیم کے مطابق، سعودی عرب اور یونان سے 216 پاکستانی باشندوں کو ڈی پورٹ کرکے بے نظیر ائیرپورٹ پر امیگریشن حکام کے حوالے کردیا گیا۔

ذرائع کے مطابق سعودی عرب سے آنے والی نجی ائیرلائن کی پرواز پر 196 پاکستانی باشندوں کی سفری دستاویزات کی پڑتال کے بعد انہیں گھروں کو جانے کی اجازت دے دی گئی ہے۔

واضح رہے چند روز قبل بھی سعودی عرب سے 20 جبکہ ملائشیا سے 60 پاکستانیوں کو بے دخل کیا گیا تھا۔

یاد رہے کہ پچھلے 3 سال میں مختلف ممالک سے  کم از کم 266،000 پاکستانی بے دخل ہوچکے ہیں۔ ان ممالک میں سر فہرست سعودی عرب ہے جہاں سے 149،039 پاکستانی ڈی پورٹ کئے جا چکے ہیں۔

    تازہ ترین خبریں
    خبرنگار افتخاری