کے پی کے: چار سدہ میں 3 دھماکوں میں 7 افراد شہید، 12 زخمی

خبررساں ادارے تسنیم کے مطابق، ڈی آئی جی پولیس اعجاز خان نے بتایا ہے کہ چارسدہ میں کچہری گیٹ کے قریب ایک خودکش حملہ آور نے کچہری میں داخل ہونے کی کوشش کی، تاہم پولیس کی فائرنگ پر اس نے خود کو اڑا لیا۔

جبکہ دوسری جانب اطلاعات ہیں کہ دوسرا حملہ آور کچہری کے اندر داخل ہوگیا ہے۔

عینی شاہدین کے مطابق دھماکوں میں 7 افراد شہید اور 12 زخمی ہوئے ہیں تاہم اس حوالے سے ابھی معلومات اکٹھی کی جا رہی ہیں۔

دھماکوں کی اطلاع ملتے ہی امدادی ٹیمیں اور سیکورٹی فورسز جائے وقوع کی جانب روانہ ہوگئیں۔

خیال رہے کہ چارسدہ کے ہسپتالوں میں ایمرجنسی نافذ کردی گئی ہے۔