بغداد – کرکوک ہائی وے پر تین دھماکے؛ 13 افراد شہید یا زخمی

خبر رساں ادارے تسنیم کے مطابق عراقی فورسز کے کمانڈر عدی الخدران نے کہا ہے کہ آج صبح ہونے والے دھماکوں میں 4 افراد کے شہید جبکہ 9 افراد کے زخمی ہونے کی اطلاع ہے۔

ان کا کہنا تھا کہ شہید اور زخمی ہونے والے عام شہری ہیں جبکہ زخمی ہونے والوں کی حالت نازک بتائی گئی ہے۔

صوبہ دیالی سے ذرائع کا کہنا ہے کہ ان دھماکوں کے بعد سیکورٹی فورسز نے الخالص علاقے میں آمد و رفت روک دی ہے اور تمام داخلی اور خارجی راستوں کو بند کردیا گیا ہے۔