پاکستان اور قطر کے درمیان گہرے برادرانہ تعلقات ہیں، وزیراعظم پاکستان

خبر رساں ادارے تسنیم کے مطابق وزیراعظم محمد نوازشریف نے کہا ہے کہ پاکستان اور قطر کے درمیان گہرے برادرانہ تعلقات ہیں، دونوں ملکوں کے عوام کی بہتری کیلئے تعلقات کو مزید مستحکم کیا جائے گا۔

وزیراعظم نوازشریف سے امیر قطر کے والد شیخ حمد بن خلیفہ الثانی نے ملاقات کی جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔

اس موقع پر وزیراعظم نے کہا کہ پاکستان اور قطر کے درمیان گہرے برادرانہ تعلقات ہیں اور دونوں ملکوں کے عوام کی بہتری کیلئے تعلقات کو مزید مستحکم کیا جائے گا۔

وزیراعظم نے امیر قطر شیخ تمیم بن حمد الثانی کے لئے نیک خواہشات کا اظہار کیا۔