ماسکو: ایرانی صدر کی روسی وزیراعظم سے ملاقات

خبر رساں ادارے تسنیم کے مطابق ایرانی صدر حسن روحانی دو روزہ دورے پر روس پہنچ گئے ہیں جہاں انہوں نے روسی وزیراعظم سے ملاقات کی ہے۔

ملاقات میں توانائی اور اسلحہ کی خریداری سے متعلق گفتگو کی گئی ہے۔

ذرائع کے مطابق حسن روحانی اپنے دورے کے دوران روسی صدر پیوٹن سے بھی ملاقات کریں گے ۔

واضح رہے کہ ایران اور روس کے درمیان دوطرفہ تجارت گزشتہ سال جنوری سے اس سال جنوری تک دوگنی ہوگئی ہے۔

عالمی سیاست پر کڑی نگاہ رکھنے والے ماہرین اس ملاقات کو ایران روس تعلقات کے تناظر میں بہت اہمیت دے رہے ہیں۔