ہمارے فوجی بھوک اور بیماریوں سے مر رہے ہیں، بھارتی جنرل کا اعتراف
بھارتی بارڈر سیکیورٹی فورسز کے سربراہ کے کے شرما نے اعتراف کیا ہے کہ بھوک اور گندگی کا شکار بھارتی فوجی مختلف بیماریوں میں مبتلا ہو کر مررہے ہیں۔
خبر رساں ادارے تسنیم کے مطابق بھارتی بارڈر سیکیورٹی فورسز کے سربراہ کے کے شرما نے کہا بی ایس ایف اہلکاروں میں ذہنی مسائل بہت بڑھ چکے ہیں جبکہ دل کی بیماریوں اور ہائی بلڈپریشر کی شکایات میں بھی اضافہ ہوا ہے.
ان کا کہنا تھا کہ سہولیات کی کمی کے باعث جوان ذہنی مریض بن رہے ہیں جس کے باعث وہ خودکشی کرنے لگیں ہیں۔
کے کے شرما کا کہنا تھا کہ بھارتی فوجی اہلکار کی حالت زار بہتر بنانے کے لئے بھی اقدامات کیے جارہے ہیں مگر وہ ناکافی ہیں۔
جنوری 2015 سے ستمبر 2016 کے درمیان سات سو پچاس فوجیوں کی موت مختلف جسمانی اور ذہنی بیماریوں کے باعث ہوئی۔
