ہائی کورٹ لاہور کا نوازشریف، شہبازشریف، چوہدری نثار اور اسحاق ڈار کو سمن

خبر کا کوڈ: 1391773 خدمت: پاکستان
نواز شہباز نثار

لاہور ہائی کورٹ نے منی لانڈرنگ کیس میں وزیراعظم نوازشریف، وزیراعلیٰ پنجاب شہبازشریف، وفاقی وزیرداخلہ چوہدری نثار اور وفاقی وزیرخزانہ اسحاق ڈار کو سمن جاری کرتے ہوئے جواب طلب کرلیا ہے۔

خبر رساں ادارے تسنیم کے مطابق لاہور ہائی کورٹ کے فاضل جج جسٹس شمس محمود مرزا نے وزیراعظم نوازشریف، وزیر اعلی پنجاب شہباز شریف، وزیر داخلہ چوہدری نثار اور وزیر خزانہ اسحاق ڈار کے خلاف منی لانڈرنگ سے متعلق درخواست کی سماعت کی۔

درخواست گزار پیر شمرور رضوان نے عدالت میں مؤقف اختیارکیا کہ نوازشریف اور دیگر شخصیات منی لانڈرنگ اور دیگر جرائم میں ملوث ہیں۔

ان تمام افراد کے خلاف 1996 سے ہائی کورٹ میں درخواست بھی زیرسماعت ہے۔

نوازشریف اور دیگر نے اعلیٰ عدلیہ کے جج صاحبان کو پلاٹ بانٹ کر انہیں خریدنے کی کوشش کی لہذٰا تمام افراد کے خلاف منی لانڈرنگ کے تحت کارروائی کا حکم دیا جائے جب کہ ان سب کو نااہل قرار دے کر انتخابات میں حصہ لینے پر تاحیات پابندی عائد کی جائے۔

ہائی کورٹ نے نوازشریف، شہبازشریف، چوہدری نثار ، اسحاق ڈار، وزارت داخلہ اور ایف آئی اے کو دوبارہ نوٹسز جاری کر کے تمام فریقین سے 10 مئی تک جواب جمع کرانے کا حکم دیتے ہوئے کیس کی سماعت ملتوی کردی۔

 

    تازہ ترین خبریں
    خبرنگار افتخاری