فضل الرحمن کو غدار کہنے پر جیو پر جرمانہ

خبر کا کوڈ: 1404102 خدمت: پاکستان
فضل الرحمن

پاکستان الیکٹرانک میڈیا ریگولیٹری اتھارٹی (پیمرا) نے محمود خان اچکزئی اور فضل الرحمان کے لئے غدار کا لقب نشر کرنے پر جیو نیوز پر ایک لاکھ جرمانہ اور معافی مانگنے کا حکم دیا ہے۔

خبررساں ادارے تسنیم نے ڈان نیوز کے حوالے سے اطلاع دی ہےکہ  12 فروری کو نشر کیے گئے جیو نیوز کے پروگرام ’جرگہ‘ میں مہمان شرکا اعجاز مہمند اور نثار مہمند نے محمود خان اچکزئی اور مولانا فضل ارحمان کو ’غدار‘ قرار دیا تھا جس پر پیمرا نے جیو کو 17فروری کو اظہار وجوہ کا نوٹس جاری کرتے ہوئے وضاحت طلب کی تھی۔
پیمرا کی جانب سے جاری پریس ریلیز میں کہا گیا کہ چینل کی جانب سے معاملے پر تحریری جواب جمع کرایا گیا جس کا جائزہ لینے کے بعد پیمرا کمیٹی اس نتیجے پر پہنچی کہ اراکین پارلیمنٹ کے خلاف قابل اعتراض گفتگو نشر کر کے چینل انتظامیہ پیمرا الیکٹرانک میڈیا ضابطہ اخلاق 2015 کی کئی شقوں کی خلاف ورزی کی مرتکب ہوئی ہے۔ 

اتھارٹی نے چینل کو ہدایت کی کہ 13مئی کو نشر ہونے والے مذکورہ پروگرام کے دوران میزبان سلیم صافی محمود خان اچکزئی اور مولانا فضل الرحمان کا نام لے کر معافی مانگیں جبکہ پروگرام کے دوران اسکرین پر بھی یہ معافی واضح انداز میں دکھائی جائے۔
اس کے ساتھ ساتھ جیوز نیوز پر ایک لاکھ روپے جرمانہ بھی عائد کیا گیا ہے جو آئندہ تین ہفتے میں ادا کرنا ہو گا اور چینل کو ہدایت کی گئی کہ وہ آئندہ پیمرا کے ضابطہ اخلاق پر عمل کرے بصورت دیگر مستقبل میں چینل کا لائسنس بھی منسوخ کیا جا سکتا ہے۔

    تازہ ترین خبریں
    خبرنگار افتخاری