قرقاش: قطر، ایران اور ترکی کی پناہ میں آئے بغیر مشکل کا سیاسی حل تلاش کرے

خبر رساں ادارے تسنیم کے مطابق متحدہ عرب امارات کے وزیر خارجہ نے بیان دیتے  ہوئے کہا ہے کہ دہشتگردوں کی فہرست کے جاری ہونے سے متعلق موضوع کو بڑھاوا دینے کے بجائے قطر کے لئے اس کو حل کرنے کا ایک بہترین موقع ہے۔

انہوں نے کہا کہ قطر، ایران اور ترکی کا سہارا لینے کے بجائے سیاسی طریقے سے اس مشکل کا حل نکالے۔ ہم حالات کو مزید خراب نہیں کرنا چاہتے بلکہ ہمارا مقصد علاقے میں پھیلی فتنے کی آگ کو خاموش کرنا ہے۔

واضح رہے کہ محمد بن سلمان اور محمد بن زاید کی امیدوں کے برخلاف سعودی اور قطر اختلافات میں اضافہ ہوتا جارہا ہے اور یہ ایک بین الاقوامی مشکل کی شکل اختیار کرتا جا رہا ہے جو سعودی محاذ کے لئے پریشانی کا سبب ہے نیز موجودہ صورتحال بھی اس بات کی اجازت نہیں دیتی کہ یہ مشکل محدود رہے۔