شام عراق بارڈر پر داعش کا قافلہ نابود/ مغربی موصل میں داعش کا حملہ ناکام

خبر کا کوڈ: 1464160 خدمت: اسلامی بیداری
الحشدالشعبی

عراقی رضاکار دستوں نے شام عراق سرحد پر داعش کے ایک قافلے کو نابود کر دیا ہے۔

خبر رساں ادارے تسنیم کے مطابق عراقی رضاکار نیم فوجی دستوں نے شام عراق سرحد پر دہشت گرد تنظیم داعش کے ایک ٹولے کو نابود کر دیا ہے۔ 

حشد الشعبی کے میڈیا سیل کی اطلاع کے مطابق رضاکار دستوں نے چند فوجی گاڑیوں پر مشتمل دہشت گرد قافلے کو شام عراق سرحد پر واقع مشرقی "دھاج" نامی دیہات میں حملوں کا ہدف بناتے ہوئے نابود کر دیا ہے۔

دوسری طرف مغربی موصل میں حشد الشعبی کی جہاد بٹالین نے تل زلط، ھدایہ، و عدایہ میں دہشت گردوں کے حملے کو ناکام بناتے ہوئے انہیں سخت نقصان پہنچایا ہے۔

فضائیہ کی مدد سے اس آپریشن میں رضاکاروں نے دہشت گردوں کو شدید نقصان پہنچاتے ہوئے ان کی آٹھ گاڑیوں کو بھی تباہ کر دیا ہے۔

    تازہ ترین خبریں
    خبرنگار افتخاری