کرد ریفرنڈم کیلئے مسعود بارزانی کی صہیونیوں کیساتھ خفیہ ملاقات

خبر رساں ادارے تسنیم کے مطابق کرد ریفرنڈم کے حوالے سے صہیونی وزیر دفاع کا یروشلم آنلائن سے گفتگو کے دوران کہنا تھا: "کردستان کے سربراہ مسعود بارزانی نے اردن میں ایک کانفرنس کے دوران خفیہ طور پر ہمارے سیکورٹی حکام سے کردستان کو عراق سے جدا کرنے پر گفتگو کی ہے"۔

لیبرمن نے کہا کہ اسرائیلی وزیراعظم نے کردستان میں ریفرنڈم کی حمایت کی ہے۔

واضح رہے کہ اس سے پہلے بھی یروشلم پوسٹ نے خبر دی تھی کہ بارزانی کے مشیر نے اسرائیل کا دورہ کیا ہے، جس میں کردستان کی آزادی پر اسرائیلی حمایت کا مطالبہ کیا گیا تھا اور اسرائیل کے ذریعے امریکی حمایت بھی حاصل کرنے کی کوشش کی گئی تھی۔