چین میں زلزلے سے 13 افراد جاں بحق اور 175 سے زائد زخمی + تصاویر

خبر کا کوڈ: 1487240 خدمت: دنیا
زلزله چین

چین میں زلزلے سے 200 کے قریب افراد کے جاں بحق اور زخمی ہونے کی اطلاعات موصول ہوئی ہیں جبکہ ایک لاکھ سے زائد مکانات کے تباہ ہونے کا خدشہ بھی ظاہر کیا رہا ہے۔

خبر رساں ادارے تسنیم کے مطابق چین کے صوبے سیچوان میں ہولناک زلزلے کے نتیجے میں 13 افراد جاں بحق اور 175 سے زائد زخمی ہوگئے جن میں سے 30 افراد کی حالت تشویش ناک بتائی جارہی ہے۔ 

زلزلہ سیچوان کے مضافاتی علاقے میں مقامی وقت کے مطابق رات 9 بجکر 20 منٹ پر آیا جس کی شدت ریکٹر اسکیل پر 6.5 ریکارڈ کی گئی۔ چین کے نیشنل کمیشن برائے ڈیزاسٹر ریڈکشن نے تخمینہ لگایا ہے کہ زلزلے کے نتیجے میں 100 سے زائد ہلاکتیں اورایک لاکھ سے زائد مکانات تباہ ہوسکتے ہیں۔

زلزلے کا مرکز صوبائی دارالحکومت چینگدو سے 284 کلومیٹر دور تھا جبکہ اس کی گہرائی 10 کلو میٹر زیر زمین تھی۔ خیال رہے کہ سیچوان میں قبل ازیں منگل کو لینڈ سلائیڈنگ کا واقعہ بھی پیش آیا تھا جس میں 24 افراد ہلاک اور متعدد زخمی ہوئے تھے۔

    تازہ ترین خبریں
    خبرنگار افتخاری