سیرالیون میں تباہ کن طوفان سے ہلاکتوں کی تعداد 312 ہوگئی

خبر کا کوڈ: 1492086 خدمت: دنیا
سیرالیون

مغربی افریقی ملک سیرالیون میں شدید بارشوں کے باعث سیلاب اور لینڈ سلائیڈنگ کے نتیجے میں 312 افراد ہلاک اور متعدد لاپتہ ہو گئے۔

خبر رساں ادارے تسنیم کے مطابق سیلاب اور لینڈسلائیڈنگ سے سب سے زیادہ نقصان سیرالیون کے دارالحکومت فری ٹاؤن میں ہوا۔ اسپتال انتظامیہ کا کہنا ہے کہ اب تک 180 لاشیں لائی جا چکی ہیں اور اب اسپتال میں مزید لاشیں رکھنے کی گنجائش موجود نہیں ہے۔

بعض رپورٹس کے مطابق ہلاکتوں کی تعداد 312 تک پہنچ گئی ہے جبکہ ان میں مزید اضافے کا خدشہ ظاہر کیا جارہا ہے۔

ہلاک ہونے والوں میں تقریباً 60 بچے بھی شامل ہیں۔

عینی شاہدین کے مطابق بارشوں اور لینڈ سلائیڈنگ کے بعد سڑکوں پر کئی کئی فٹ کیچڑ جمع ہو گئی ہے۔ سیرالیون کے نائب صدر وکٹر فوح نے کہا کہ اس بات کا خدشہ ہے کہ مزید لاشیں کیچڑ کے اندر ہو سکتی ہیں۔

واضح رہے کہ بارشوں کے موسم میں مغربی افریقی ممالک میں لینڈ سلائیڈنگ معمول کی بات ہے کیوں کہ ان علاقوں میں درختوں کی بے دریغ کٹائی کی گئی ہے جس کی وجہ سے مقامی افراد کی جانیں خطے میں پڑ گئی ہیں۔

    تازہ ترین خبریں
    خبرنگار افتخاری