لاہور ہائی کورٹ نے نواز شریف سمیت 14 افراد کو نوٹس جاری کردیا

خبر کا کوڈ: 1492353 خدمت: پاکستان
دادگاه عالی لاهور

توہین عدالت کیس میں سابق وزیر اعظم نواز شریف اور وفاقی وزرا سمیت چودہ افراد کو نوٹس جاری کر دیا گیا ہے۔

خبر رساں ادارے تسنیم کے مطابق لاہور ہائی کورٹ نے توہین عدالت کیس میں سابق وزیر اعظم نواز شریف سمیت 14 افراد کو نوٹس جاری کردیا ہے۔

لاہور ہائیکورٹ میں جسٹس مامون رشید کی سربراہی میں نواز شریف کے خلاف توہین عدالت کی درخواست کی سماعت کی جس میں درخواست کے قابل سماعت ہونے پر دلائل دیے گئے، درخواست گزار آمنہ ملک نے موقف اختیار کیا کہ نواز شریف نے اپنی نااہلی کو سازش قرار دیا۔

نواز شریف اور وفاقی وزرا کی تقاریر نہ صرف عدالت کی توہین بلکہ غداری کے زمرے میں آتی ہیں،اس پر عدالت نے استفسار کیا کہ یہ غداری کیسے بنتی ہے؟ جواب میں درخواست گزار آمنہ ملک کے وکیل نے کہا کہ آئین کے تحت عدلیہ اور فوج پر کوئی بات نہیں کی جاسکتی لیکن پھر بھی نواز شریف اور ان کے ساتھیوں نے مسلسل دونوں اداروں کو تنقید کا نشانہ بنایا۔

اس موقع پر عدالت نے درخواست میں چند نکات پر سکم کی نشاندہی کی تو وکیل نے اسی وقت سکم دور کر دیے، بعد ازاں عدالت نے نواز شریف سمیت چودہ افراد کو نوٹسز جاری کر دئیے جن میں خواجہ سعد رفیق، خواجہ آصف، اسحاق ڈار، دانیال عزیز، طلال چوہدری اور رانا ثنا اللہ کے نام بھی شامل ہیں۔

    تازہ ترین خبریں
    خبرنگار افتخاری