اپنے دیرینہ دوست امریکہ سے ناامید پاکستان اپنے دیگر دوست ممالک کو اعتماد میں لے گا

خبر کا کوڈ: 1499368 خدمت: پاکستان
پاکستانی کابینہ

دہائیوں سے اپنے لئے نہایت قریب اور دوست ملک تصور کرنے والے پاکستان نے امریکہ سے ناامید ہوکر تمام دوست ممالک کو واشنگٹن کی اسلام آباد متعلق پالیسیوں پر اعتماد میں لینے کا فیصلہ کیا ہے جبکہ اسی سلسلے میں وزیراعظم آج سعودی عربپہنچ گئے ہیں۔

خبر رساں ادارے تسنیم کے مطابق اسلام آباد میں وزیراعظم شاہد خاقان عباسی کی زیر صدارت وفاقی کابینہ کا اجلاس ہوا جس میں جنوبی ایشیا سے متعلق نئی امریکی پالیسی پر ڈیڑھ گھنٹہ بحث ہوئی۔ ذرائع کے مطابق وفاقی کابینہ نے امریکی صدر کے بیان پر تشویش کا اظہار کرتے ہوئے فیصلہ کیا کہ وزیر خارجہ خواجہ آصف امریکی دورے کے موقع پر ٹرمپ انتطامیہ کو پاکستان کے موقف سے آگاہ کریں گے۔

ذرائع کے مطابق کابینہ کے ارکان نے رائے دی کہ پاکستان امریکی الزام تراشی کا بھرپورجواب دے، پاکستان کی قربانیاں کسی سے ڈھکی چھپی نہیں، دہشت گردی کے خلاف جنگ میں پاکستان کے کردار کو پذیرائی ملنی چاہیے جب کہ پاکستان میں دہشت گردوں کی کوئی محفوظ پناہ گاہ نہیں۔

اجلاس میں فیصلہ کیا گیا کہ پاکستان امریکی پالیسی سے متعلق تمام دوست ممالک کو اعتماد میں لےگا اور وزیراعظم شاہدخاقان عباسی اوروزیرخزانہ اسحاق ڈار آج سعودی عرب جائیں گے، وزیراعظم نئی امریکی پالیسی سے متعلق پاکستان کے تحفظات پر سعودی قیادت کو اعتماد میں لیں گے۔ کابینہ کےاجلاس میں قومی سلامتی کمیٹی کا اجلاس جمعرات کو طلب کرنے کا فیصلہ کیا گیا۔

    تازہ ترین خبریں
    خبرنگار افتخاری