کردستان میں ریفرنڈم غیرقانونی اور یک طرفہ عمل ہے، العبادی

تسنیم نیوز نے الجزیرہ کے حوالے سے بتایا ہے کہ عراقی وزیراعظم حیدر العبادی نے کردستان ریفرنڈم کو غیرقانونی قرار دیتے ہوئے مسترد کردیا ہے۔

واضح  رہے کہ عراقی پارلیمان  نے بھی کردستان میں 25 ستمبر کو خود مختاری کے لیے  ہونے والے ریفرنڈم کی تجویز کو  مسترد کر دیا ہے۔

عراقی پارلیمنٹ کے اراکین نے منگل کے روز کُردستان کی علیحدگی کے حوالے سے ریفرنڈم کرانے کو مسترد کرتے ہوئے اس فیصلے کو غیرقانونی قرار دیا تھا۔

عراقی اراکین پارلیمنٹ نے وزیراعظم العبادی سے مطالبہ کیا کہ بغداد اور کُردستان کے درمیان مسائل کے حل کے لئے سنجیدہ مذاکرات کے لئے اقدامات کریں۔

خیال رہے کہ عراقی علاقے کُردستان کے حکام نے فیصلہ کیا ہے کہ 25 ستمبر کو اس خطے میں ریفرنڈم کا انعقاد کیا جائے۔

عراقی حکومت نے اس سے پہلے اعلان کیا ہے کہ کُردستان میں ریفرنڈم غیرقانونی ہے اور حکومت اس کے نتائج کی پابند نہیں ہوگی۔