مغربی الانبار میں داعشی سرنگ دریافت

تسنیم نیوز نے روسیاالیوم کے حوالے سے بتایا ہے کہ عراقی فوج اور عوامی رضاکار فورسز نے مغربی الانبار کے علاقے عکاشات میں دہشت گردوں کی جانب سے بنائی گئی ایک گہری اور خطرناک سرنگ دریافت کرلی ہے۔

واضح رہے کہ چند روز قبل عراقی فوج نے مغربی الانبار کے علاقے عکاشات کو داعش کے قبضے سے آزاد کرالیا تھا۔

ذرائع کا کہنا ہے کہ الانبار کے صحرا میں دہشت گردوں کی ایک بڑی تعداد موجود ہے اور چھپنے کیلئے صحراوں میں مختلف جگہوں پر انتہائی گہری سرنگیں بنائی ہیں۔

خیال رہے کہ عراقی فوج اور عوامی رضاکاروں نے صوبہ الانبار کے متعدد علاقوں کو داعشی دہشت گردوں سے آزاد کرالیا ہے۔