حسن نصر اللہ: امریکی حمایت یافتہ وہابی دہشتگرد تنظیم "داعش" کا خاتمہ عنقریب

خبر کا کوڈ: 1533812 خدمت: اسلامی بیداری
سید حسن نصرالله

حزب اللہ لبنان کے سربراہ کا کہنا ہےکہ امریکی حمایت یافتہ وہابی دہشت گرد تنظیم داعش کا خاتمہ عنقریب ہے لیکن امریکہ داعش کے خاتمے کے بعد اسے نئی شکل دینے اور خطے میں نئی جنگ چھڑنے کی کوشش کررہا ہے۔

خبر رساں ادارے تسنیم نے المیادین کے حوالے سے بتایا ہے کہ حزب اللہ لبنان کے سربراہ سید حسن نصر اللہ نے کہا ہےکہ سعودی عرب خطے میں امریکی اہداف کو عملی جامہ پہنانے کی کوشش کررہا ہے خطے میں کشیدگی جاری رکھنے کے لئے امریکہ اور سعودی عرب کی پالیسی یکساں ہے، سعودی عرب امریکی پشتپناہی کی وجہ سے ہمسایہ مسلم ممالک اور مسلم عوام کے لئے بہت بڑآ خطرہ بن گیا ہے۔

 سعودی عرب لبنان میں بھی اختلافات پیدا کرنے کی تلاش و کوشش کررہا ہے۔ سعودی عرب سے ہمسایہ ممالک کو خطرات لاحق ہیں۔ سعودی عرب نے امریکہ کی ہمراہی میں عراق، شام، لیبیا، بحرین، یمن اور قطر میں عظیم تباہی پھیلائی ہے۔

سید حسن نصر اللہ نے کہا کہ داعش کو جن ممالک نے تشکیل دیا تھا اب وہی داعشی ان کے لئے بھی بہت بڑا خطرہ بن گئے ہیں ۔

سعودی عرب نے دہشت گردی کی حمایت کا پورا بوجھ قطر پر ڈال دیا ہے اور خود بری الذمہ ہوگیا ہے جبکہ دہشت گردی کی اصل جڑ خود سعودی عرب ہے جو امریکہ کو دہشت گردی کے حوالے سے تعاون فراہم کررہا ہے۔

    تازہ ترین خبریں
    خبرنگار افتخاری