پاکستان پر سنگین الزامات کیساتھ ساتھ امریکہ کا ایک مرتبہ پھر مذاکرات کرنے کا اعلان

اگرچہ امریکی وزیر دفاع نے ایک بار پھر پاکستان کے ساتھ مل کر حکمت عملی پر کام کرنے کا اعلان کیا ہے لیکن دوسری جانب اس ملک کے جوائنٹ چیف آف سٹاف نے آئی ایس آئی کے دہشت گرد گروہوں سے رابطے کا سنگین الزام لگایا ہے۔

پرچم پاکستان و آمریکا

خبر رساں ادارے تسنیم کے مطابق امریکہ کے وزیر دفاع جم میٹس کا بیان ایک ایسے وقت پر سامنے آیا ہے جب افغانستان کے بارے میں ٹرمپ انتظامیہ کی نئی حکمت عملی سامنے آنے کے بعد دونوں ملکوں کے تعلقات کشیدہ ہیں۔

دہشت گردوں کو پناہ دینا پاکستان کے لیے نقصان دہ ہوگا، حقانی نیٹ ورک نہ ہمارے دوست ہیں اور نہ پراکسی۔

آرمڈ سروس کمیٹی کے اجلاس میں امریکی وزیر دفاع نے کہا کہ ضروری ہے کہ ہم ایک بار پھر پاکستان کے ساتھ مل کر حکمت عملی پر کام کرنے کی کوشش کریں اور اگر اس کے باوجود بھی ہم کامیاب نہیں ہوئے تو صدر ٹرمپ ہر ضروری اقدام اُٹھانے کے لیے تیار ہیں۔

انھوں نے بتایا کہ پاکستان حکام سے بات چیت کے لیے وہ جلد پاکستان جا رہے ہیں لیکن اس کے بارے میں وزیر دفاع نے مزید تفصیلات فراہم نہیں کیں ہیں۔دوسری جانب پاکستان کے وزیر خارجہ خواجہ آصف واشنگٹن کے دورے پر ہیں، جہاں وہ بدھ کو امریکی وزیر خارجہ ریکس ٹیلرسن سے ملاقات کریں گے۔

خبر رساں ادارے روئٹرز کا کہنا ہے کہ ٹرمپ انتظامیہ افغانستان میں شدت پسند گروہوں کی مبینہ پاکستانی معاونت کے ردعمل کے طور پر پاکستان میں ڈرون حملوں کا دائرہ کار وسیع کر سکتا اور پاکستان کے غیر نیٹو اتحادی کا درجہ کم کر سکتا ہے۔

سینیٹ کی ایک دوسری کمیٹی میں امریکی فوج کے اعلیٰ ترین اہلکار نے بتایا کہ پاکستان کی خفیہ ایجنسی آئی ایس آئی کے دہشت گرد گروہوں سے تعلقات ہیں۔

سینیٹ کی آرمڈ سروس کمیٹی کے اجلاس میں چیئرمین جوائنٹ چیف آف سٹاف نے بتایا کہ اس بارے میں مجھے کوئی شک نہیں ہے کہ آئی ایس ائی کے دہشت گرد گروہوں سے رابطے ہیں۔ حافظ سعید جیسے عناصر بوجھ ہیں، جان چھڑانے کے لیے وقت چاہیے۔

یاد رہے کہ امریکی صدر ڈونلڈ ٹرمپ نے اپنے جنوبی ایشیا کے بارے میں اپنے پہلے خطاب میں پاکستان کو تنبیہ کرتے ہوئے کہا کہ امریکہ اب پاکستان میں دہشت گردوں کی قائم پناہ گاہوں کے معاملے پر مزید خاموش نہیں رہ سکتا۔

صدر ٹرمپ نے کہا تھا کہ امریکہ چاہتا ہے کہ اس خطے میں دہشت گردوں اور ان کی پناہ گاہوں کا صفایا ہو۔ امریکہ پاکستان کا اتحادی رہا ہے لیکن اگر وہ مسلسل دہشت گردوں کا ساتھ دے گا تو اس کے لیے مشکلات پیدا ہو سکتی ہیں۔دوسری جانب واشنگٹن میں پاکستان کے سفارت خانہ کی جانب سے جاری ہونے والے بیان میں کہا گیا ہے کہ ملک میں انسدادِ دہشت گردی کے اقدام میں کافی کامیابی ہوئی ہے۔افغانستان میں 11 ہزار امریکی فوجی تعینات ہیں: پینٹاگون بیان کے مطابق ‘افغانستان میں پائیدار امن کے بغیر خطے میں امن کا نہیں آ سکتا ہے۔’امریکہ نے حال میں 3500 اضافی فوج افغانستان بھیجی ہے اور ایک اندازے کے مطابق افغانستان میں امریکی آپریشن پر سالانہ ساڑھے ارب ڈالر خرچ آتا ہے اور نئی حکمت عملی سے اضافی ایک ارب ڈالر سے زیادہ خرچ آئے۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری