راولپنڈی میں 90کلو بارودی مواد سے بھری گاڑی پکڑی گئی

سیکیورٹی فورسز نے راولپنڈی میں دہشت گردوں کے خلاف کارروائی کرکے بڑی مقدار میں دھماکہ خیز مواد برآمد کرلیا ہے۔

راولپنڈی میں 90کلو بارودی مواد سے بھری گاڑی پکڑی گئی

تسنیم خبررساں ادارے کی رپورٹ کے مطابق، راولپنڈی میں پولیس نے کارروائی کرتے ہوئے بارود سے بھری گاڑی پکڑ لی ہے۔

نجی نیوز چینل ڈان نیوز نے خبردی ہے کہ پشاور سے راولپنڈی آنے والی گاڑی کو پولیس نے پشاور موڑ پر روکا تو اس کا ڈرائیور گاڑی سے اتر کر فرار ہونے میں کامیاب ہوا، جس پر پولیس کو شک ہوگیا اور گاڑی کی تلاشی لی۔

پولیس نے گاڑی سے  90کلو گرام بارودی مواد برآمدکرنے کا دعویٰ کیا ہے۔

ابتدائی تفتیش کے مطابق گاڑی مزمل نامی نوشہرہ کے رہائشی کے نام پر رجسٹرڈ ہے۔

پولیس کا کہنا ہے کہ گاڑی کے مالک کو گرفتار کرنے کے لئے چھاپے مار ٹیم تشکیل دی گئی ہے۔

پولیس نے مفرور ڈرائیور کی تلاش شرو ع کردی ہے جبکہ جس شخص کے نام پر گاڑی رجسٹرڈ ہے اس کی گرفتار ی کے لیے بھی چھاپہ مار ٹیمیں تشکیل دے دی گئیں ۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری