اسرائیل سے خفیہ رابطوں پر برطانوی وزیر نے استعفیٰ دیدیا

خبر کا کوڈ: 1569140 خدمت: دنیا
پریتی پاتل

صہیونیوں سے خفیہ روابط رکھنے والی برطانوی وزیر پریتی پٹیل نے عہدے سے استعفیٰ دیدیا۔

خبر رساں ادارے تسنیم کے مطابق برطانوی وزیر کی وزیراعظم تھریسامے سے ملاقات کے بعد وزیراعظم ہائوس نے پریتی پٹیل کے استعفیٰ کا اعلان کیا۔

اعلان کے مطابق برطانوی وزیر محنت و بین الاقوامی ترقی نے چھٹیوں کے دوران اسرائیلی حکام سے خفیہ ملاقاتیں کیں، وزیراعظم ہاؤس نے وزیر محنت سے ان ملاقاتوں پر وضاحت طلب کی تھی۔

اعلان کے مطابق وزیراعظم ہاوس نے وزیر کی ان ملاقاتوں کو امور حکومت  سےتجاوز کرنے کی کوشش قرار دیا، جس پرپریتی پٹیل نے معذرت کا اظہار بھی کیا ہے۔

پریتی پٹیل نے اسرائیلی حکام سے متنازعہ خفیہ ملاقاتیں کیں، انہوں نے رواں برس اگست میں غیراعلانیہ طور پر جولان کی پہاڑیوں کا دورہ بھی کیا تھا ۔

 پریتی پٹیل نے اسرائیلی فوج کو برطانوی ٹیکس گزاروں کی رقم بھی بھیجنے کی کوشش کی تھی، رابطوں کا تنازع شدید ہونے پر پریتی کو دورہ افریقا سے فوری واپس بلایا گیا تھا۔

واضح رہے کہ ایک ہفتے کے دوران 2 برطانوی وزراء استعفی دے چکے ہیں، اس سے قبل سابق وزیر دفاع سر مائیکل فیلن نے استعفیٰ دیا تھا۔

    تازہ ترین خبریں
    خبرنگار افتخاری