ایران کے راستے خلیجی ممالک جانیوالے 15 افراد کی گولیاں لگی لاشیں برآمد

خبر کا کوڈ: 1575040 خدمت: پاکستان
بلوچستان پاکستان

ایران کے راستے خلیجی ممالک جانیوالے 15 افراد کو گولیاں مارکر ہلاک کردیا گیا ہےجن کی لاشیں صوبہ بلوچستان کے ضلع تربت سے برآمد ہوئی ہیں۔

خبر رساں ادارے تسنیم کے مطابق ایران کے راستے خلیجی ممالک جانیوالے 15افراد کو گولیاں مارکر ہلاک کردیا گیا،جاں بحق افراد کا تعلق پنجاب کے مختلف علاقوں سے ہے۔

تمام افراد کو اغواء کرکے پہاڑ پر لے جاکر گولیاں ماری گئیں۔

تفصیلات کے مطابق بلیدہ میں پہاڑوں سے 15لاشیں ملی ہیں، لاشیں ڈی ایچ ہسپتال منتقل کردی گئیں۔

اسٹنٹ کمشنر جمیل احمد کے مطابق جاں بحق افراد کا تعلق پنجاب کے مختلف علاقوں سے ہے، تمام افراد کو اغواء کیا گیا، اور پہاڑ پر لے جا کر گولیاں ماری گئیں، جاں بحق افراد ایران کے راستے خلیجی ممالک جارہے تھے۔

دریں اثنا اس افسوسناک واقعے کی جانب سے صدر، وزیر اعظم سمیت سیاسی و عسکری قیادت نے شدید مذمت کی ہے۔

وزیر داخلہ احسن اقبال نے واقعے کی رپورٹ طلب کر لی ہے۔

واضح رہے کہ پچھلے کچھ دنوں سے بلوچستان میں پیش آنے والے چند واقعات کے بعد سے امن وامان قائم کرنے کی کوششوں کو شدید دھچکا لگا ہے۔

    تازہ ترین خبریں
    خبرنگار افتخاری