پاکستان میں بلیک فرائیڈے منانے پر پابندی عائدکی جائے، درخواست دائر


پاکستان میں بلیک فرائیڈے منانے پر پابندی عائدکی جائے، درخواست دائر

بلیک فرائیڈے منانے کے خلاف درخواست پر عدالت نے ڈپٹی کمشنر کو اقدامات کرنے کا حکم دیدیا، وکیل کا کہنا ہے کہ پاکستان میں بلیک فرائیڈے منانے پر پابندی عائدکی جائے۔

خبر رساں ادارے تسنیم کے مطابق پاکستان میں بلیک فرائیڈے منانے کے خلاف اسلام آبادہائیکورٹ میں درخواست پر سماعت ہوئی ، درخواست گزارکی جانب سے طارق اسد ایڈووکیٹ عدالت میں پیش ہوئے۔

وکیل نے عدالت سے استدعا کی کہ پاکستان میں بلیک فرائیڈےمنانے پر پابندی عائد کی جائے، جس کے بعد شہری کی درخواست پر عدالت نے ڈپٹی کمشنر کو اقدامات کرنے کا حکم دیدیا ۔

درخواست میں سیکریٹری اطلاعات، سیکریٹری وزارت مذہبی امور، چیئرمین پیمرا،ڈسٹرکٹ مجسٹریٹ،کمشنراسلام آباد کو فریق بنایا گیا ہے جبکہ چیئرمین اسلامی نظریاتی کونسل کوبھی فریق بنایا گیا ہے۔

بلیک فرائیڈے منانے والوں کے خلاف قرارداد پنجاب اسمبلی میں جمع

دوسری جانب بلیک فرائیڈے منانے والوں کے خلاف سخت کارروائی عمل میں لانے کے مطالبے کی قرارداد پنجاب اسمبلی میں جمع کرادی۔

قرارداد تحریک انصاف کی سعدیہ سہیل رانا کی جانب سے جمع کرائی گئی جس میں بلیک فرائیڈے کے نام۔پر مسلمانوں کے دل کی آزاری کی شدید مذمت کی گئی۔

قرار داد میں کہا گیا ہے کہ اللہ تعالیٰ نے جمعہ کے دن کو مبارک قرار دیا ہے، پوری دنیا کےمسلمانوں میں اس دن کو۔ممتاز حثیت حاصل ہے لیکن کچھ عرصے سے بیرونی طاقتیں پراپیگنڈہ کر رہی ہیں، کچھ لوگ بیرونی آقاؤں کو خوش کرنے کے لیے پاکستان میں یہ دن متعارف کر رہے ہیں۔

قرارداد میں حکومت سے مطالبہ کیا گیا ہے کہ وہ بلیک فرائیڈے منانے والوں کے خلاف سخت کارروائی عمل میں لائے۔

اہم ترین پاکستان خبریں
اہم ترین خبریں
خبرنگار افتخاری