مصر؛ جامع مسجد میں دھماکے اور فائرنگ سے 184 افراد جاں بحق

مصر کے صوبہ سنائی کے شہر عریش کے قریب بر العبید میں جامع مسجد کے باہر دہشت گردوں کے بم حملے اور فائرنگ کے نتیجے میں 184 افراد جاں بحق جبکہ درجنوں زخمی ہوگئے ہیں۔

مصر؛ جامع مسجد میں دھماکے اور فائرنگ سے 184 افراد جاں بحق

خبر رساں ادارے تسنیم کے مطابق دہشت گردوں نے مصری صوبے سنائی کے مغرب میں برالعبید کی الروادعہ مسجد کے باہر نمازیوں پر بم حملہ کئے ہیں جبکہ ان پر فائرنگ بھی کی گئی ہے۔

اس حملے کے نتیجے میں ابتدائی اطلاعات کے مطابق 184 افرادجاں بحق جبکہ 75 سے زائد زخمی ہوگئے ہیں۔حملہ اس وقت کیا گیا جب افراد نماز عصر کی ادائیگی کے بعد مسجد سے باہر آرہے تھے۔

حملے کے بعد بڑی تعداد میں ایمبو لینسز اور ریسکیو کی گاڑیوں کو جائے وقوع پر جاتے ہوئے دیکھا گیا ہے جبکہ ریسکیو حکام کے مطابق جاں بحق افراد کی تعداد میں اضافے کا خدشہ ہے۔

وزارت صحت کے مطابق حملے کے بعد درجنوں لاشیں مسجد کے صحن میں بکھری ہوئی ہیں اور انہیں ہسپتال منتقل کرنے کا سلسلہ بھی جاری ہے۔

سب سے زیادہ دیکھی گئی دنیا خبریں
اہم ترین دنیا خبریں
اہم ترین خبریں
خبرنگار افتخاری