جارجیا کے ایک ہوٹل میں آتش زدگی سے 11 افراد جاں بحق

تسنیم خبر رساں ادارے کی رپورٹ کے مطابق، جارجیا کی وزارت خارجہ کا کہنا ہے کہ اس ملک کے ساحلی علاقے میں واقع ایک ہوٹل میں آگ لگنے سے ایک ایرانی شہری سمیت 11 افراد جاں بحق ہوگئے ہیں۔

حکام کا کہنا ہے کہ آتشزدگی سے 22 افراد شدید زخمی بھی ہوئے ہیں، جن میں 3 ترک اور ایک اسرائیلی باشندہ شامل ہیں۔

جارجیا کے وزیر صحت کا کہنا ہے کہ تمام افراد دھوئیں کی وجہ سے ہلاک ہوئے ہیں جن کی کل تعداد 11 ہے۔

آتشزدگی کی اصل وجہ ابھی تک معلوم نہیں ہوسکی ہے۔