بھارتی فوج کی ہزاروں مظاہرین پر فائرنگ، سیکڑوں کشمیری زخمی

خبر کا کوڈ: 1586122 خدمت: اسلامی بیداری
کشمیریوں اور بھارتی فورسز کے درمیان جھڑپیں

تہاڑ جیل میں قید حریت رہنماؤں سے نارواسلوک اور قابض فوج کے مظالم کے خلاف مقبوضہ کشمیر میں مکمل ہڑتال کی گئی۔

خبر رساں ادارے تسنیم کے مطابق بھارتی فوج نے ہزاروں مظاہرین کے مجمع پر فائرنگ، شیلنگ اور لاٹھی چارج کرکےسیکڑوں کشمیریوں کو زخمی کردیا جبکہ میراواعظ عمر فاروق گھرمیں نظر بند اور یاسین ملک کو سرینگر جیل بھیج دیا گیا ہے۔

بھارتی میڈیا کے مطابق حریت مزاحمتی فورم کی اپیل پر مقبوضہ جموں، کشمیر اور لداخ میں مکمل ہڑتال کی گئی۔ہزاروں کشمیریوں نے اپنا کاروبار بند رکھا اور روڈوں پر نکل آئے۔

بھارت کے خلاف اور آزادی کے حق میں نعرے لگائے۔ قابض فوج نے مظاہرین کو منتشر کرنے کیلئے چھرے والی بندوق سے فائرنگ کی اور شیلنگ اور لاٹھی چارج کرکے سیکڑوں افراد کو زخمی کردیا۔

بھارتی فوج نے مارچ کی قیادت پر حریت کانفرنس کے چیئرمین میرواعظ عمر فاروق کو گرفتار کرکے گھر میں نظر بند کردیا جبکہ یاسین ملک کو سرینگر جیل بھیج دیا۔

این آئی اے نے سید صلاح الدین کے بیٹے اور ایک اور حریت رہنما کے ریمانڈ میں توسیع کردی۔بھارتی ایجنسییوں نے ان کو حال ہی میں جعلی مقدمات میں گرفتارکیا تھا۔

    تازہ ترین خبریں
    خبرنگار افتخاری