مسلم مخالف جھوٹی ویڈیو؛ ٹرمپ تھریسامے پر کھل کر برسے

خبر کا کوڈ: 1588978 خدمت: دنیا
ترامپ ترزا می

مسلم مخالف جھوٹی ویڈیو سوشل میڈیا پر شیئر کرنے پر برطانوی وزیراعظم کی جانب سے تنقید کا نشانہ بنائے جانے پر امریکی صدر ڈونلڈ ٹرمپ نے برطانوی وزیراعظم کو ترکی با ترکی جواب دیتے ہوئے کہا ہے کہ تھریسامے مجھ پر توجہ دینے کے بجائے اپنے ملک میں بڑھتی شدت پسندی کو روکنے کے لیے اقدامات کریں۔

خبر رساں ادارے تسنیم کے مطابق ٹویٹر پر مسلم مخالف برطانوی گروپ کی جانب سے ایک ویڈیو شیئر کی گئی تھی جسے ڈونلڈ ٹرمپ نے بھی اپنے اکاؤنٹ سے تین بار دوبارہ شیئر کیا جس کا مقصد دنیا میں مسلمانوں کے خلاف نفرت انگیزی کو فروغ دینا تھا۔

بعد ازاں برطانوی گروپ کی جانب سے بھیجی گئی مسلم مخالف ویڈیو جھوٹی ثابت ہوئیں جس پر امریکی صدر کو شدید تنقید کا سامنا کرنا پڑا۔

مسلم مخالف ویڈیوز ٹوئیٹ کرنے پر ڈونلڈ ٹرمپ پر شدید تنقیدبرطانوی وزیراعظم تھریسامے کی جانب سے امریکی صدر کے اقدام کو غلط قرار دیا گیا جب کہ لندن کے میئر صادق خان کی جانب سے بھی اس کی شدید الفاظ میں مذمت کرتے ہوئے کہا کہ اسلام مخالف ویڈیو ری ٹویٹ کرنے کے بعد ڈونلڈ ٹرمپ کو برطانیہ میں خوش آمدید نہیں کہا جائے گا اور انہوں نے برطانوی حکومت سے ڈونلڈ ٹرمپ کے دورہ امریکا کو منسوخ کرنے کا مطالبہ بھی کیا۔

خیال رہے کہ ملکہ الزبتھ نے امریکی صدر ڈونلڈ ٹرمپ کو برطانیہ کے دورے کی دعوت دی ہے تاہم اس دورے کی تاریخ تاحال طے نہیں پائی ہے۔

امریکی صدر نے سوشل میڈیا پر برطانوی وزیراعظم تھریسامے کو مخاطب کرتے ہوئے کہا کہ وہ مجھ پر توجہ دینے کے بجائے برطانیہ میں بڑھتی ہوئی شدت پسندی کو روکنے کے لیے اقدامات کریں، ہم بالکل ٹھیک کر رہے ہیں۔

    تازہ ترین خبریں
    خبرنگار افتخاری