ہم شریف خاندان کے خلاف پی اے ٹی کی مہم کا حصہ نہیں، سیالوی

خبر رساں ادارے تسنیم کے مطابق پیر حمید الدین سیالوی نے تونسہ میں 40 مزارات کے متولیوں سے ملاقات کی۔

ملاقات میں روحانی پیشوا اور ان کی پیروی کرنے والوں نے پنجاب کے وزیر قانون رانا ثناء اللہ کی جانب سے اقلیت کے حوالے سے ٹی وی پر دیئے گئے بیان پر بات چیت کی۔

اس موقع پر پیر حمید الدین سیالوی نے کہا کہ ان کے کوئی سیاسی مقاصد نہیں جبکہ وہ شریف خاندان اور رانا ثناء اللہ کے خلاف پاکستان عوامی تحریک (پی اے ٹی) کی جاری مہم کا حصہ نہیں بنے گے۔

ان کا کہنا تھا کہ ’میرا طاہر القادری سے کوئی رابطہ نہیں ہوا کیوں کہ ہمارا ہوئی سیاسی ایجنڈا نہیں ہے‘۔

اس اجلاس میں ملک بھر میں قائم مختلف مزارات کے متولیوں نے شرکت کی تھی جس کی سربراہی حضرت شاہ سلیمان تونسوی کے سجادہ نشین خواجہ عطاء اللہ کررہے تھے۔

پیر حمید الدین سیالوی کا مزید کہنا تھا کہ ان کی تحریک صرف اور صرف ختم نبوت سے متعلق ہے، انہوں نے 9 جنوری کو سرگودھا میں سیال شریف کے مقام پر مشائخ کا اجلاس منعقد کرنے کا اعلان بھی کیا تاکہ رانا ثناء اللہ کے مستعفی نہ ہونے کی صورت میں مستقبل کا لائحہ عمل ترتیب دیا جا سکے۔

اس موقع پر خواجہ عطاء اللہ نے کہا کہ وہ شریف خاندان کو پیش کش کیے جانے والے کسی بھی این آر او کی مخالفت کریں گے۔