رضا ربانی: پاکستان قدس کے بارے میں حالیہ امریکی اقدام کی شدید مخالف/ امریکا، اسرائیل اور بھارت کا ‘ملاپ’ خطرے کی علامت

چیئرمین سینیٹ پاکستان میاں رضا ربانی نے تہران میں منعقدہ اسلامی پارلیمانی یونین کے 13 ویں سالانہ اجلاس سے خطاب کیا۔

رضا ربانی: پاکستان قدس کے بارے میں حالیہ امریکی اقدام کی شدید مخالف/ امریکا، اسرائیل اور بھارت کا ‘ملاپ’ خطرے کی علامت

خبر رساں ادارے تسنیم کے مطابق چیئرمین سینیٹ میاں رضا ربانی نے کہا ہے کہ پاکستان القدس الشریف کے بارے میں حالیہ امریکی اقدام کی شدید مخالفت کرتا ہے، اس فیصلے کے ذریعے امریکہ نے القدس الشریف کی تاریخ اور قانونی حیثیت کی دھجیاں اڑا کر نہ صرف بین الاقوامی قوانین بلکہ اقوام متحدہ کی سلامتی کونسل کی قرار دادوں کی بھی خلاف ورزی کی ہے۔

میاں رضا ربانی نے ان خیالات کا اظہار تہران میں منعقدہ اسلامی ممالک کی پارلیمانی یونین کے 13 ویں سالانہ اجلاس میں خطاب کرتے ہوئے کیا۔

چیئرمین سینیٹ رضا ربانی نے امریکا، اسرائیل اور بھارت کے مابین ابھرتے ہوئے تعلقات کو مسلم ممالک کے لیے بڑا خطرہ قرار دے دیا اور کہا کہ پاکستان، امریکا کی جانب سے بیت المقدس کو اسرائیل کا دارالخلافہ قرار دینے کے یکطرفہ فیصلے کی شدید مخالفت کرتا ہے جو عالمی قوانین اور اقوام متحدہ کی سیکیورٹی کونسل کی قراردادوں کے منافی ہے۔

چیئرمین سینیٹ نے کہا کہ القدس کے معاملے پر پاکستان پر شدید دباؤ رہا اور مسلم دنیا یاد رکھے آج پاکستان اور ایران کو سخت رویے کا سامنا ہے جبکہ کل کوئی دوسرا ملک ہوگا، ہمیں کسی بھی قسم کے نظریاتی، نسلی، لسانی تفریق سے بلا تر ہو کر سوچنا ہوگا’۔

انہوں نے تجویز پیش کی کہ مسلم ممالک اقتصادی، تجارتی سطح سمیت تعلیم، طب، سائنس، ٹیکنالوجی، زراعت، توانائی، دفاع اور سرمایہ کاری کے شعبوں میں دوطرفہ تعلقات کو بڑھائیں۔
انہوں نے واضح کیا کہ دہشت گردی کے خلاف جنگ میں پاکستان گزشتہ 15 برسوں میں ہزاروں فوجی اہلکاروں اور شہریوں کی زندگیوں سے محروم ہو گیا ہے لیکن دہشت گردوں اور انتہاء پسندی کے خاتمے تک جدوجہد جاری رکھے گا۔

اس موقع پر انہوں نے زور دیا کہ مٹھی بھر دہشت گردوں کی وجہ سے اسلام کے تشخص کو نقصان پہنچ رہا ہے اس لیے مشترکہ لائحہ عمل تشکیل دینا چاہیے، انہوں نے کہا کہ دین اسلام کا حقیقی اور آفاقی پیغام جو امن، برداشت اور محبت پر مبنی ہے، کو زیادہ سے زیادہ فروغ دینا چاہیے۔

چیئرمین سینیٹ نے کہا کہ مسلم ممالک پر مشتمل پارلیمانی یونین (پی یو آئی سی) ایک طاقتور ادارہ ہے جس کے پلٹ فارم سے اٹھنے والی آواز اہم کردار ادا کرسکتی ہے۔

انہوں نے پی یو آئی سی کے قیام کو مسلم ممالک کے مابین مشترکہ مفادات کے حصول کے لیے رابطے اور تعاون زور دیا۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری