فلسطین کی حمایت میں اسرائیل کے خلاف لڑنا دینی فریضہ ہے، جنرل قاسم سلیمانی

تسنیم خبر رساں ادارے کی رپورٹ کے مطابق، سپاہ پاسداران انقلاب اسلامی کی القدس بریگیڈ کے سربراہ جنرل قاسم سلیمانی کا کہنا ہے کہ فلسطین کی حمایت میں اسرائیل کا مقابلہ کرنا ایران کی  دینی اور اخلاقی ذمہ داری ہے۔

جنرل قاسمی نے مزید کہا کہ ہمیں تمام تر مشکلات پر قابو پانے کے لئے تلاش و کوشش، فداکاری اور مجاہدت کی ضرورت ہے۔

انہوں نے کہا کہ اگر کسی نے میری تعریف کرتے ہوئے مجھے مالک اشتر سے تعبیر کیا اور اس بات پر مجھے یقین ہوگیا تو میں گر جاؤں گا اور ساقط ہوجاؤں گا لیکن اگر میں نے اس تعریف پر کوئی توجہ نہ دی اور خود کو ان عظیم ہستیوں کے سامنے حقیر سمجھا تو اللہ تعالی مجھے بزرگی عطا فرمائے گا۔ 

انھوں نے کہا کہ اگر عوام کی بھر پور خدمت کی جائے تو پھر ہمارے خلاف دنیا کی تمام سازشیں ناکام ہوجائیں گی۔