عالمی اقتصادی فورم کے 48ویں سالانہ اجلاس کا آغاز آج سوئٹزرلینڈ میں ہوگا

خبر رساں ادارے تسنیم کے مطابق آج منگل کے روز سوئٹزرلینڈ کے شہر ڈیووس میں عالمی اقتصادی فورم کا اڑتالیس واں سالانہ اجلاس ہورہا ہے۔

اجلاس میں ریکارڈ تعداد میں سربراہان مملکت و حکومت اور عالمی اداروں کے سربراہوں کے علاوہ تاجر، سول سوسائٹی، ماہرین تعلیم، فنکار اور صحافی شرکت کر رہے ہیں۔

امسال ہونے والے اجلاس کا موضوع "مسائل کی شکار دنیا کا مشترکہ مستقبل" رکھا گیا ہے۔

اجلاس میں اہم مشترکہ مفادات پر عالمی تعاون مستحکم کرنے کے طریقوں پر تبادلہ خیال کیا جائے گا۔

اجلاس کا ایجنڈا بین الاقوامی  تعاون اور ممالک کے درمیان اختلافات پر قابو پانا ہوگا۔