ڈی آئی خان | ایک ہفتہ میں 3 شیعہ مسلمانوں کی شہادت، پولیس بے بس

ڈیرہ اسماعیل خان میں تکفیری دہشت گردوں نے ایک اور شیعہ مسلمان کو شہید کرکے ایک ہفتہ میں 3 جوانوں کی جان لے لی جبکہ پولیس مجرمانہ خاموشی اختیار کئے ہوئے تماشا دیکھ رہی ہے۔

ڈی آئی خان | ایک ہفتہ میں 3 شیعہ مسلمانوں کی شہادت، پولیس بے بس

خبر رساں ادارے تسنیم کے مطابق سٹی کی حدود میں واقع کمشنری بازار میں دودھ  فروش کی دکان پر موٹر سائیکل سوار دو دہشت گردوں کی فائرنگ سے متعدد گولیاں لگنے سے افتخار حسین موقع پہ ہی شہید ہوگئے۔

شہید افتخار حسین، شہید مختار حسین کے بھانجے تھے جنہیں مریالی میں تکفیری دہشت گردوں نے فائرنگ کرکے شہید کیا تھا اور تاحال ان کے قاتل کو بھی ڈی آئی خان پولیس گرفتار نہیں کر پائی۔

 شہر میں چند روز کے اندر تین نوجوان شیعہ مسلمان ٹارگٹ کلنگ کا نشانہ بن چکے ہیں، سی سی ٹی وی فوٹیج کے باوجود پولیس تاحال کسی ایک قاتل کو بھی گرفتار کرنے میں کامیاب نہیں ہوسکی ہے۔

مجلس وحدت مسلمین اور دوسری سیاسی اور مذہبی جماعتوں نے ڈیرہ اسماعیل خان میں جاری شیعہ مسلمانوں کی ٹارگٹ کلنگ کو تکفیری دہشت گردوں کی جانب سے حالات کو خراب کرنے کی سازش قرار دیتے ہوئے حکومت سے تکفیری دہشت گردوں  کے خلاف کریک ڈاون کرنے کا مطالبہ کیا ہے۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری