ایک خبر افغانستان سے | 2 جرنیل معطل اور 164 ریٹائر

افغان صدر نے دارالحکومت کابل میں حملوں کی تعداد میں بتدریج اضافے کی وجہ سے 2 جرنیلوں سمیت 7 اعلیٰ سطحی فوجی حکام کو معطل اور 164 جرنیلوں کو ریٹائر کر دیا۔

ایک خبر افغانستان سے | 2 جرنیل معطل اور 164 ریٹائر

خبر رساں ادارے تسنیم کے مطابق صدارتی محل کے ترجمان شاہ حسین مرتضوی نے جاری کردہ بیان میں کہا ہے کہ حالیہ دنوں میں دارالحکومت میں بڑھتے ہوئے حملوں میں اپنے فرائض سے لاپروائی برتنے کی وجہ سے صدراشرف غنی نے2 جرنیلوں سمیت کل7 اعلی فوجی حکام کومعطل کر دیا ہے۔

مرتضوی کا کہنا تھا کہ مذکورہ فوجی حکام کو تفتیش کا سامنا کرنا پڑیگا اور جس نے بھی اپنے فرائض سے لاپرواہی برتی اسے عدالت کے سامنے پیش ہونا پڑیگا۔

 انھوں نے مزید کہا کہ غنی نے فوج کے شعبے میں نئی اصلاحات کرنے کیلیے 164  جرنیلوں کو ریٹائر بھی کیا ہے۔

واضح رہے کہ افغانستان کے دارالحکومت کابل میں 2  ہفتے قبل وزارت داخلہ کی عمارت کے قریب بم سے مسلح ایمبولینس کے ساتھ کیے گئے خود کش حملے میں 103 افراد جاں بحق اور 250 سے زائد زخمی ہو گئے تھے۔ افغانستان نے حملے کا الزام پاکستان پر عائد کیا اور پاکستان نے اسے مسترد کردیا۔

سب سے زیادہ دیکھی گئی دنیا خبریں
اہم ترین دنیا خبریں
اہم ترین خبریں
خبرنگار افتخاری