شامی فوج نے اسرائیلی طیارہ مار گرایا + تصاویر
اسرائیلی فوج کے ترجمان نے کہا ہے کہ ان کا ایف-16 جنگی طیارہ شام میں مختلف مقامات پر بمباری کے بعد، "الجلیل" کے نزدیک گر کر تباہ ہوگیا ہے۔
خبر رساں ادارے تسنیم کے مطابق صہیونی فوج نے بیان جاری کرتے ہوئے دعویٰ کیا ہے کہ انہوں نے شام میں ایک ایرانی ڈرون کا تعاقب کرکے مختلف علاقوں پر بمباری کی ہے جبکہ ایرانی ذرائع نے تاحال اس خبر کی تصدیق نہیں کی ہے۔
صہیونی فوج کے ترجمان نے مزید کہا کہ ان کا ایک ایف -16 طیارہ الجلیل علاقے کے نزدیک گر کر تباہ ہوگیا ہے۔
صہیونی فوج کے ترجمان نے دعویٰ کیا ہے کہ اس طیارے کے پائلٹ پیراشوٹ کے ذریعے اپنی زندگی بچانے میں کامیاب ہوگئے ہیں۔
دوسری جانب شامی سرکاری نیوز ایجنسی نے فوجی ذرائع کے حوالے سے بتایا ہے کہ صہیونی دشمن نے آج صبح شام کے بعض علاقوں میں فضائی حدود کی خلاف ورزی کرکے بمباری کی جس کے نتیجے میں شامی ایئر ڈیفنس سسٹم نے بروقت اقدام کرتے ہوئے صہیونی طایرے کا مارگرایا۔
