یمن | گندم لے جانے والے قافلے پر سعودی بمباری سے بھوکے یمنی بچوں کی آس ختم

سعودی سرپرستی میں بننے والے مسلمان ممالک کے اتحاد نے غریب ترین مسلمان ملک یمن کے عوام کیلئے لے جانے والے گندم کے ٹرک اور دیگر گاڑیوں پر بمباری کرتے ہوئے اس ملک کے بچوں کی بھوک مٹانے کی آس پر پانی پھیر دیا۔

یمن | گندم لے جانے والے قافلے پر سعودی بمباری سے بھوکے یمنی بچوں کی آس ختم

خبررساں ادارے تسنیم کے مطابق یمن کے المسیرہ ٹیلی ویژن کے مطابق سعودی حکومت کے لڑاکا طیاروں نے صوبہ صعدہ کو صنعا سے ملانے والی شاہراہ پر صفرا سٹی کے قریب بمباری کی جس کے نتیجے میں گندم لے جانے والا ایک ٹرک اور متعدد دوسری گاڑیاں تباہ ہو گئیں۔

المیادین ٹیلی ویژن کی رپورٹ کے مطابق صوبہ مآرب اور الحدیدہ پر بھی سعودی جنگی طیاروں نے بمباری کی ہے جس میں تیرہ عام شہری شہید ہوئے ہیں۔

سعودی جارحیت کے جواب میں یمنی فوج اور عوامی رضاکار فورس کے جوانوں نے جیزان کے علاقے میں گھات لکا کر سعودی فوجیوں کو نشانہ بنایا جس کے دوران پانچ سعودی فوجی ہلاک ہو گئے۔

یمنی فوج کے میزائل یونٹ نے صوبہ مآرب میں سعودی اتحاد کے فوجیوں کے متعدد ٹھکانوں پر میزائل حملے بھی کیے۔

سب سے زیادہ دیکھی گئی اسلامی بیداری خبریں
اہم ترین اسلامی بیداری خبریں
اہم ترین خبریں
خبرنگار افتخاری