سعودی عرب جانتا ہے کہ وہ یمن میں جنگ نہیں جیت سکے گا، شیخ نعیم

تسنیم خبررساں ادارے نے المنار کے حوالےسے بتایا ہے کہ حزب اللہ کے نائب جنرل سیکرٹری شیخ نعیم قاسم کا کہنا ہے کہ سعودی عرب جانتا ہے کہ یمن کی جنگ جیتنا ناممکن ہے، کیونکہ یمنی ایک باغیرت اور جنگجو قوم ہے۔

انہوں نے کہا کہ امریکا یمن میں جاری جارحیت کا براہ راست ذمہ دار ہے کیونکہ وہ سعودی عرب کی حمایت کررہا ہے۔

شیخ قاسم نعیم نے مزید کہا کہ لبنان قومی، فوجی اور مزاحتمی تحریک کے  تعاون سے اپنی سرحدوں کی حفاظت کررہا ہے اور کرتا رہے گا۔

انہوں نے کہا کہ مزاحتمی تحریک حزب اللہ چاہتی ہے کہ  لبنان کسی سے وابستہ نہ رہے بلکہ مستقل رہے، اپنے فیصلے خود کرے۔

واضح رہے کہ سعودی عرب نے لبنان کے داخلی امور میں دخالت کرنے کی کئی بار ناکام کوشش کی ہے۔