پاکستانی میڈیا کی زرد صحافت؛ شام، عراق، یمن اور فلسطین سمیت اکثر مسائل کو غلط انداز سے پیش کیا جارہا ہے

ایم ڈبلیو ایم کے مرکزی ڈپٹی سیکریٹری جنرل نے آزاد اور حقیقی صحافت کو ظالم حکمرانوں کے خلاف کلمہ حق سے تعبیر کیا اور کہا کہ آج شام، عراق، یمن اور فلسطین سمیت اکثر ایشوز کو پاکستان میں غلط طریقے سے پیش کیا جارہا ہے جو زرد صحافت کی نشانی ہے۔

پاکستانی میڈیا کی زرد صحافت؛ شام، عراق، یمن اور فلسطین سمیت اکثر مسائل کو غلط انداز سے پیش کیا جارہا ہے

خبررساں ادارے تسنیم کے مطابق مجلس وحدت مسلمین پاکستان کے مرکزی ڈپٹی سیکریٹری جنرل سید ناصرعباس شیرازی نے تحصیل پریس کلب رجسٹرڈ بھوآنہ  ضلع چنیوٹ کی تقریب حلف برداری 2018 میں بحیثیت مہمان خصوصی شرکت کی ، اس موقع پر تحصیل بھوانہ کی ضلعی انتظامیہ،سیاسی ،سماجی اور مذہبی شخصیات ،عمائدین،انجمن تاجران،وکلاء اور ہر شعبہ ہائے زندگی سے تعلق رکھنے والے افراد نے بھرپور شرکت کی۔

برادر ناصر عباس شیرازی نے آزاد اور حقیقی صحافت کو ظالم حکمرانوں کے خلاف کلمہ حق سے تعبیر کیا ،ان کا کہنا تھا کہ قرآنی حکم کے مطابق خبرکی تحقیق ضروری ہے ،آج شام ،عراق یمن اور فلسطین سمیت اکثر ایشوز کو پاکستان میں غلط طریقے سے پیش کیا جارہا ہے جو زرد صحافت کی نشانی ہے۔

انہوں نے عظیم الشان پروگرام منعقد کروانے پر نو منتخب صدر اور روح رواں بھوانہ پریس کلب جناب مخدوم زیدی،ان کی کابینہ اور ٹیم کو مبارکباد پیش کی ۔انہوں نے دیانتدارانہ صحافت کی ایک علامت بننے پر جناب مخدوم زیدی کو خراج تحسین پیش کیا ، تقریب کے آخر میں چیئرمین ضلع کونسل  ثقلین سجنکا اور پیر زاکر حسین نے ناصرشیرازی کو

اعزازی شیلڈ پیش کی جبکہ ناصر عباس شیرازی  نے مختلف شعبہ ہائے زندگی بالخصوص صحافت میں نمایاں خدمات انجام دینے والی شخصیات کو اپنے ہاتھوں سے شیلڈزپیش کیں ، قبل ازیں جب برادر ناصرعباس شیرازی مجلس وحدت مسلمین  کے ضلعی سیکرٹری جنرل انیس عباس زیدی  اور ان کی کابینہ کے ہمراہ پنڈال میں داخل ہوئے تو ان پر پھولوں کی پتیاں نچھاور کی گئیں ،ہار پہنائے گئے اور شاندار استقبال کیا گیا ۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری