ن لیگ کے قائد اورمریم نواز لندن سے وطن واپس پہنچ گئے

سابق وزیراعظم نوازشریف اور ان کی صاحبزادی مریم نواز لندن سے واپس وطن پہنچ گئے، مسلم لیگ ن کے قائد اور اُن کی بیٹی آج احتساب عدالت میں پیش ہوں گے۔

ن لیگ کے قائد اورمریم نواز لندن سے وطن واپس پہنچ گئے

تسنیم خبررساں ادارے کی رپورٹ کے مطابق،  ن لیگ کے قائد اور سابق وزیراعظم نواز شریف اور ان کی صاحبزادی مریم نواز صبح لندن سے واپس وطن پہنچ گئے.

سابق وزیر اعظم اور مسلم لیگ ن کی رہنما مریم نواز بے نظیرانٹرنیشنل ایئرپورٹ سے اسلام آباد روانہ ہو گئے، نواز شریف اور ان کی صاحبزادی آج ایون فیلڈ ریفرنس کیس کے حوالے سے احتساب عدالت میں پیش ہوں گے.

یاد رہے کہ گذشتہ روز سماجی رابطے کی ویب سائٹ ٹویٹر پر سابق وزیراعظم کی صاحبزادی مریم نواز نے ٹویٹ کیا تھا جس میں ان کا کہنا تھا کہ احتساب عدالت میں پیش ہونے کے لیے پیترو ایئر پورٹ سے کچھ دیر میں اسلام آباد روانی ہوں گے.

خیال رہے کہ ایک روز مریم نواز نے سماجی رابطے کی ویب سائٹ ٹویٹر پر اپنے پیغام میں کہا تھا کہ مائی لارڈ! دہشت گردی پرکاری ضرب لگانے والے اور آنکھوں میں آنکھیں ڈال کر دیکھنے والے وزیراعظم کی سیکورٹی چھین لو، لیکن خدانخواستہ اُسے کچھ ہوا تو ذمہ دار صرف آپ ہوں گے۔

دوسری جانب میاں نواز شریف نے لندن میں میڈیا سے گفتگو کرتے ہوئے کہا تھا کہ پاکستان میں اظہار رائے پر پابندی عائد کی جارہی ہے، آئندہ الیکشن ریفرنڈم ہوگا۔

واضح رہے کہ 20 اپریل کو احتساب عدالت نے نواز شریف اور مریم نواز کی جانب سے 7 دن کے لیے حاضری سے استثنیٰ کی درخواست دی گئی تھی، جسے عدالت نے مسترد کردیا تھا۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری