نادرا نےبھارت سمیت41 ہزار سے زائد غیرملکیوں کے شناختی کارڈ منسوخ کردیے

حکومت نے سابقہ 2ادوار(مشرف، پی پی حکومت) میں نادرا کی جانب سے امریکا، چین، بھارت، ایران اوربنگلادیش سمیت 13 ممالک کے شہریوں کوجاری 41 ہزار سے زائد قومی شناختی کارڈز منسوخ کردیے۔

نادرا نےبھارت سمیت41 ہزار سے زائد غیرملکیوں کے شناختی کارڈ منسوخ کردیے

تسنیم خبررساں ادارے کی رپورٹ کے مطابق، وفاقی حکومت نے 2015 سے اب تک 3 سال میں وزارت داخلہ نے سخت ایکشن لے کربھرپوراقدامات کیے اورغیرملکیوں کوشناختی کارڈ جاری کرنیوالے نادراکے 700افسران واہلکاروں کے خلاف کارروائی کی گئی، نادرا کراچی ریجنل دفترکے110 سے زائدملازمین کوبرطرف کیاگیا۔

مقامی ذرائع کے مطابق غیرملکیوں کو جاری جعلی شناختی کارڈزمیں سے صرف افغانیوں کو40 ہزارشناختی کارڈجاری کیے گئے، دیگرممالک میں سے 33 چینی باشندوں،32 بھارتی شہریوں،2امریکی شہریوں ،120 بنگالی اوربرماکے شہریوں، ازبکستان کے 5شہریوں ، مالدیپ کے 6شہریوں،16 مصری باشندوں جبکہ 10 مراکشی اور 250ایرانی باشندوں کوپاکستان کے شناختی کارڈزجاری کیے گئے تھے۔

ذرائع کے مطابق ملوث نادراافسران واہلکاروں کا بھی پتہ چلانے کیلیے خصوصی سرویلینس کمیٹی قائم کی گئی جس نے ابتدا میں 700سے زائد ملازمین کی فہرست مرتب کی جس کا ازسرنوجائزہ لینے کے بعد باقاعدہ خفیہ تحقیقات کرائی گئی جس میں جعلی شناختی کارڈزجاری کرنے کا ذمے دار110 ملازمین کوٹھہرایا گیا جنھیں وزارت داخلہ کے حکم پرملازمتوں سے برطرف کیاگیا جبکہ باقی افسران وملازمین کے خلاف بھی محکمہ جاتی کارروائی کی گئی۔

واضح رہے کہ ایک اندازے کے مطابق دنیا بھر کےلاکھوں افراد نے غیر قانونی طور پر پاکستانی شناختی کارڈ حاصل کیا ہوا ہے جس کی وجہ سے عالمی سطح پر ملک کی بدنامی ہورہی ہے۔

سب سے زیادہ دیکھی گئی پاکستان خبریں
اہم ترین پاکستان خبریں
اہم ترین خبریں
خبرنگار افتخاری